दशैंमा आउँदिन आमा

झनक अधिकारी बारुद

यसपालीको दशैंमा आउँदिन आमा
तपाँइको मुहार देख्न पाउँदिन आमा ।

के गर्ने त विवशतामा अल्झिदै छ छोरो
रमाएर रातो टीका लाउँदिन आमा ।

साथीभाई त रम्दै होलान् मेलापर्वतिर
तिहारमा देउसी भैलो गाउँदिन आमा ।

भन्नुहुन्थ्यो तपाईले ‘छिट्टै आउनु घर’
विवशताको त्यो वचनलाई समाउँदिन आमा ।

रुन्छु बरु यतातिर सम्झिएर त्यता
एक्लो छु म दुखी भाछु रमाउँदिन आमा ।

अछाम सेरा हाल नेपालगञ्ज