आलु

प्रेम वलि

हिमाल गए पनि
तराइ भए पनि
जहाँ गए पनि
कतै रातो आलु
कतै सेतो आलु
कतै लोकतन्त्रे
कतै ठोकतन्त्रे आलु
कतै गणतन्त्रे आलु
कतै जनतन्त्रे आलु
नाम अनेक
काम एकैको छ आलु
यि आलुहरु
जती सडे पनि
ठुस ठुस्ती गन्हाउदै लडे पनि
हामीलाई यि आलुको बाहेक
कुनै बिकल्पै भएन
हिजो पनि आलु
अस्ती पनि आलु
आज पनि यो आलु बाहेक
अरु कुनै बिकल्पै रहेन ।
फेरी पनि आज
यही आलु धोका दिए पनि
आलुसङ्गै सहमती गरेर
आलुकै तरकारी पकाइदै छ
एउटा आलुलाई फालेर
आर्को आलुलाई फकाइदै छ
मलको नाममा होस कि
ढलको नाममा होस
यही आलुले दाम खाँदैछ
गजबको कुरो
यो आलु
जती फले पनि
जती फैलिए पनि
पेडा भन्दा
यसैको भाउ माथि जादैछ ।