महादेवलाई देखे पछी
कती हुरुक्क हुन्छन
कती फुरुक्क हुन्छन
तर घर भित्र
श्रीमतीहरु रिसले बुरुक्क हुन्छन
के शक्ती रहेछ गाठे पार्वतीमा
बिचरा महादेव थुरुक्क हुन्छन ।
घर बाहिर
महादेवलाई भने पछी
कती खुरुक्क सुन्छन
कती तुरुक्क रुन्छन
तर घर भित्र
श्रीमतीका पाखुरा जुरुक्क हुन्छन
के भक्ती रहेछ गाठे पार्वतीमा
बिचरा महादेव लुरुक्क हुन्छन ।
घर बाहिर
महादेवलाई सुने पछी
कती डराइ पुलुक्क हेर्छन
कती परै झुलक्क हुन्छन
घर भित्र
श्रीमतीहरुका आबेग भुलुक्क हुन्छन
के जुक्ती रहेछ गाठे पार्वपतीमा
बिचरा महादेव छुलक्क हुन्छन ।
घर बाहिर
महादेवलाई भेटे पछी
कती मोहित हुन्छन
कती सम्मोहित हुन्छन
कती घायल हुन्छन
तर घर भित्र
श्रीमती तातो टायल हुन्छन
के युक्ती रहेछ गाठे पार्वतीमा
बिचरा महादेव कायल हुन्छन ।
घर बाहिर
महादेवलाईपछी
कती मुसुक्क हास्छन
कतीले खुसुक्क डाक्छन
तर घर भित्र
श्रीमतिहरु ठुसुक्क हुन्छन
के ओखती रहेछ गाठे पार्वतीमा
बिचरा महादेव पनि लुसुक्क हुन्छन ।
प्रेम ओली
huna ta ma nepali shahity ko kunai parakhi hoina . tara pan bado ramro lagyo malai tapaiko yo kabita.
ReplyDelete