पिडा अचानोले जति कसले बुझेको हुन्छ ?
चुहिने छानोले जति कसले बुझेको हुन्छ ?
कसले कसलााई कसरी ठगिरहेछ ?
पाथी र मानोले जति कसले बुझेको हुन्छ ?
गरिबको कसौंडीमा के के पाक्छ भनेर
चुलो ओभानोले जति कसले बुझेको हुन्छ ?
टन्न खान पाईन्छ आमालाई पिरेपछि
यो कुरा सानोले जति कसले बुझेको हुन्छ ?
देश भएर पनि देश नहुनुको पिडा
हामी विरानोले जति कसले बुझेको हुन्छ ?
बाबु त्रिपाठी
अग्यौली –४, गोडार नवलपरासी
हालः पुरानो वानेश्वर , काठमाण्डौ
No comments:
Post a Comment
तपाँइको अमुल्य सुझाव , सल्लाह र प्रतिक्रिया दिन नभुल्नुस् है । Plz drop ur Valuable Comment Here ..