हुस्सुहरुले छेके पछी
देशको भबिष्य
झन अन्योल भयो
कहिले कुहिरो भएर
कहिले तुवालो भएर
यि हुस्सुहरुले
आकाश टेके पछी
देशको मुहार
झन अन्धकार भयो
न बोटको माया
न गोठको माया
यि हुस्सुहरुले
ढपक्क
न्यानो घाम छेके पछी
भिटमिन डि बाट
जनता झन बन्चित भयो
अब यि हस्सुहरुलाई
घर घरबाट राको बाल्दै
गाउँ गाउँबाट आगो फाल्दै
भञ्ज्याङ कटाउनु पर्छ
अगुल्टोले हान्दै
नौ डाडा कटाउनु पर्छ
देशलाई छाया पारेर
हिउले जस्तै
जनताको रगत चुस्ने
यि हुस्सुहरुलाई
राके जुलुसले
नेटो कटाउनु पर्छ
मुग्लान पठाउनु पर्छ ।
प्रेम ओली
दाङ्ग
हाल काठमाण्डौ
No comments:
Post a Comment
तपाँइको अमुल्य सुझाव , सल्लाह र प्रतिक्रिया दिन नभुल्नुस् है । Plz drop ur Valuable Comment Here ..