पदम गौतम
एकलासको फूलमाथि टल्किएको शीत होला
तिम्रो पीडाभित्र सिङ्गो समाजको गीत होला ।
तिम्रो छायाँ तान्न खोज्ने अरु कोही नभएर
बाल्यकालमै छुट्टिएको तिम्रो आफ्नै मीत होला ।
यौटा कहाँ माथि पुग्छ, अर्को तल नझरेमा
तिम्रो हार पनि कसैलाई ठूलो जीत होला ।
बुझ, आफै बनाउनुपर्छ अब बाटाहरु
सोच्यौ होला दुनियाँमा यौटा मात्रै रीत होला ।
फ्याँक्नुपर्छ उखेलेर बारीबाट झार अब
मेची-काली सबैको नै त्यतिबेला हित होला ।
एकलासको फूल पृष्ठ ७ बाट
No comments:
Post a Comment
तपाँइको अमुल्य सुझाव , सल्लाह र प्रतिक्रिया दिन नभुल्नुस् है । Plz drop ur Valuable Comment Here ..