ताजमहलमा रङ्ग

ताजमहलमा रङ्ग खन्याएछ कसले ?
सादा परिवेश रङ्गिन बनाएछ कसले ?

गतिशून्य, चुपचाप मौन थियो बस्ति
मसानमा उत्सव यहाँ मनाएछ कसले ?

युगौं विते उपवन फुलविहिन थियो
आफ्नै रगतले सिँची फुलाएछ कसले ?

श्वाश मेरो धन्य भयो नाचिरहेछ प्राण
बतासमा यो मिठो सुवास डुलाएछ कसले ?

शुलि चढ्दै , जहर प्यूँदै तलाँई थाहा छ नादिर ?
प्रेमको यो दिब्य धुन सुनाएछ कसले ?

                                            साभार – अलिअलि मुच्र्छना अलिअलि होस्
                                                          भोजराज शर्मा नादिर
                                                                नेपालगंज