 |
| प्रेम ओली |
भानुभक्त कान्तिपुरी आए
हरियाली ति फाटहरुमा
महलहरु पाए ।
खोज्दै अल्कापुरी
कयौ चक्कर लाए
घरै घरको जङ्गलमा
खानु ठक्कर खाए ।
धुवा धुलो फोहरको
नाकमा पर्रा आए
तिर्खा लाग्दा जल ठानी
कोक ठर्रा खाए ।
स्वोर्गका परीहरु
डिस्कोहरुमा छाए
कोही आए चुम्न
कोही डस्न आए।
छलकपट ब्यबचारी
सस्कृती यहाँ पाए
बिदेशिको नक्कल गर्ने
बिकृती यहाँ पाए ।
भ्रष्टचारी अत्याचारी
शासन गर्ने देखे
झुटको सपना देखाइ
भाषन गर्ने देखे ।
सानो एउटा कामलाई
दिनहु कार्यालय धाए
कसैले दोहन गरे
कसैले दाए।
कालो धन्दा चर्को चन्दा
मौलाएको पाए
बुद्धीजिबी सज्जनबृन्द
बौलाएको पाए ।
कान्तिपुरी-भ्रान्त्तिपुरी
अल्कापुरी-ढल्कापुरी देखे
फर्की फेरी नआउनलाई
अन्तिम पाइला टेके ।
दाङ्ग
हाल काठमाण्डौ
No comments:
Post a Comment
तपाँइको अमुल्य सुझाव , सल्लाह र प्रतिक्रिया दिन नभुल्नुस् है । Plz drop ur Valuable Comment Here ..