 |
| प्रेम वली |
मिठो पकाउन
केही कमाउन
केही रमाउन
जिन्दगी समाउन
भाग्य जमाउन
ठुलो शहर छिरेको
आज बर्षौ भईसकेछ।
न धन कमाइयो
न मन रमाइयो
न मिठो खाइयो
न सुख पाइयो
मुखिया बाले जस्तो
बरु आफुलाई
ठुलो शहरले
कजाउनु कजायो
कमाउनु कमायो
केही नखाए पनि
केही नलाए पनि
उल्टो शहरले
ऋनको तम्सुक थमायो
साउको उधारो तिर्दा
श्रीमतीको तिलरी गुमायो
महङ्गी थेग्न
घरभाडा छेक्न
श्रेमतीको कानबाली गुमायो ।
र पनि मान्छे
गाउ जस्तो अधेरो
धुवा धुलोको पधेरो
यो ठुलो शहरमा
भित्र भित्र भासिदैछ
र पनि
मिठो सपनामा आसिदैछ
भाग्य सप्रियो भने
कसो गोरु नब्याउला
अझ टासिदैछ
ठुलो शहरमा मान्छे।
दाङ्ग
हाल काठमाण्डौ
No comments:
Post a Comment
तपाँइको अमुल्य सुझाव , सल्लाह र प्रतिक्रिया दिन नभुल्नुस् है । Plz drop ur Valuable Comment Here ..