खुसी अनि उमङ्ग छाउँछ रे यो सालमा

खुसी अनि उमङ्ग छाउँछ रे यो सालमा
विदेश गाको छोरो आउँछ रे यो सालमा

मिलिजुली एकभई नेपली सब मिल्दाखेरी
कोइलीले मिठो गित गाउँछ रे यो सालमा

गरिबले नि नयाँ लुगा अनि खान पाउँदा
चहकिलो घाम पनि उदाउँछ रे यो सालमा

अशान्त बनाको'थ्यो युद्धले बुद्ध भूमि तर
बुद्ध-युद्ध दुवैले मित लाउँछ रे यो सालमा

अपहरणमा पर्छ भनी गाउँ नफर्कनेहरू
आफन्त सँगै दशैं मनाउँछ रे यो सालमा

नेपाली सब खुसीले रमेको दिन देख्दा
भगवानले राम्रो आशिष पठाउँछ रे यो सालमा

कृष्ण के श्रेष्ठ "काल्स"