Sunday, July 18, 2010

विश्व नेपाली साहित्य महासंघको विधिवत स्थापना सम्पन्न

       गत १३ जुलाई तदनुसार २९ असार २०६७ को दिन विश्वभर नेपाली स्रष्टासर्जकहरुले नेपाली भाषीहरुको एकताको प्रतिक आदीकवी भानुभक्तको जन्मजयन्ति मनाई रहेको दिनलाई शुभ साइत जुराएर विश्वभरका नेपाली स्रष्टा सर्जकहरुले विश्व नेपाली साहित्य महासंघको विधिवत स्थापना भएको घोषणा गरेका छन् ।
            नेपालको समय बेलुकी ६ बजे स्काइपीको टेलिकन्फिरेन्स मार्फत साहित्यकारहरुले संयुक्त रुपबाट घोषणा गरेका थिए । उपस्थितीलाई सम्बोधन गर्दै मस्को रसियाबाट डा. मधु माधुर्यले आफ्नो मन्तब्य राखेका थिए । आपसमा पहिलो पटक नेट मार्फतको चिनजानले सबैलाई उत्साहित बनाएको थियो । विश्वभरका झण्डै डेढदर्जन देशहरुमा रहेका नेपाली साहित्यका स्रष्टा सर्जकहरुको सामुहिक सलग्नता रहेको यस महासंघको अन्तराष्ट्रिय केन्द्रिय समिति केन्द्रिय पार्षद सल्लाहकार र सम्बद्धता संस्थाहरुको नामावली समेत घोषणा गरिएको थियो ।

        संस्थापक- भानु जयन्ति २०६७ राखिएको छ भने महासंघको अध्यक्ष डा. मधु माधुर्य रसिया, वरिष्ठ उपाध्यक्ष गोविन्द गिरी प्रेरणा अमेरिका, उपाध्यक्ष रमेश पौडेल काठमाण्डो, उपाध्यक्ष टंक सम्बाहाम्फे हङकङ, उपाध्यक्ष वीरभद्र ढोली कार्की सिक्किम भारत, महा-सचिव विश्वास दीप तिगेला ब्रुनाई/वेलायत, सचिव इन्द्र नारथुङे मलेशिया, साहित्य संचार संयोजक प्रदिप थापा मगर अमेरिका, संगठन सचिवः भोला शिवाकोटी पुरानोघरे भुटान अमेरिका, आर्थिक सचिव सुरेन्द्र इङनाम वेलायत, आर्थिक सह-सचिव शर्मिला खड्का काठमाण्डौ, सदस्यहरु शिब प्रकाश बोष्टन अमेरिका, सुरेसजंग शाह वेलायत, हरी शिवाकोटी क्यानडा, जीवन देवान गाउँले मलेशिया, गणेश खड्का प्रतिक्षा सेसेल्स, उमा सुवेदी इजरायल, सन्तोष नेउपाने बेल्जियम, देवेन्द्र सुर्केली काठमाण्डौ, सावित्रा काफ्ले अष्ट्रेलिया, केदार सुनुवार संकेत अफगानिस्तान, भिम के सी कमल पोर्चुगल, वसन्तमोहन अधिकारी युएइ, जितमान राई पेनाङ मलेशिया, गोवद्र्धन पुजा अमेरिका, तिर्थसंगम राई कतार, गोविन्द देवकोटा मस्को रसिया छन भने १९ सदस्य केन्द्रिय पार्षद र ८ सदस्य सल्लाहकार समिति लगायत सम्बद्धता लिने निर्णय गरेका ३ साहित्यिक संस्थाहरु उदाउदो तारा साहित्यिक समाज पेनाङ मलेशिया, अनलाइन नेपाली साहित्य मंच, नेपाली साहित्य प्रतिष्ठान हङकङको नाम समेत घोषणा गरेका छन् ।
         नेपाली साहित्यको क्षेत्रमा ब्यापकरुपमा समेटेर निर्माण गरिएको सम्भवत यो पहिलो महासंघ हो । सामुहिक हितको लागि सामुहिक सक्रियतामा साहित्यिक संस्थाको स्थापना भन्ने मान्यताले स्थापित यस महासंघले संचालनमा रहेका साहित्यिक संघसस्थाको अस्थित्वलाई स्वीकार गर्दै सम्बद्धता प्रदान गर्ने र जुनसुकै साहित्यिक संस्थामा संलग्न ब्यक्ति पनि यस संस्थामा सहभागि हुन सक्ने बताएको छ । विश्वभरका प्रत्येक देशमा शाखा र सम्बद्धता प्राप्त संस्था निर्माण गर्ने लक्ष्य राखेको यस महासंघको चाडै नै विश्वभर शाखाहरु निर्माण हुने पनि बताएका छन् । यस महासंघको साधारण, राष्ट्रिय र आजीवन सदस्य रहने ब्यवस्था रहेको छ ।
       लामो छलफल र बहस पछि महासंघ नामकरण गरिएको र हाल लोगो र बेभसाइट ठेगानाको बारेमा छलफल भइरहेकोले आ-आफ्नो विचार दिन अनुरोध गरेको छ साथै विधान मस्यौदा संयोजक महासचिव विश्वास दीप तिगेलालाई तोकेको छ ।
प्रस्ताबित लोगो

घोषणा-पत्र
    नेपाली वाङ्मय प्रति समर्पित आदरणीय स्रष्टाहरु प्राज्ञ वर्ग नेपाली साहित्यलाई आ-आफ्नो ठाँउबाट योगदान पुर्याइ रहनु भएका सम्पूर्ण साहित्यिक संघसंस्था शुभचिन्तक अभिभावक संचारकर्मी र सम्पूर्ण साहित्यिक मनहरु

     सर्वप्रथम आज हामीले नेपाली भाषीहरुको एकताको प्रतिक भानुभक्तको जन्मजयन्तिको अवसरलाई शुभसाइत मानेर यहाहरु समक्ष उपस्थित भएका छौ । नेपाली साहित्यका विभूति आदीकवी भानुप्रति उच्च सम्मान व्यक्त गर्दै वहाको ऐतिहासिक एवं विशिष्ट योगदानलाई कदर गर्दै यहाहरु सबैलाई न्यानो साहित्यिक अभिवादन टक्राउन चाहान्छौ ।
     समयको परिवर्तन र प्रविधिको उच्चतम विकास संगै हामी नेपालीहरु विश्वभर छरिएको र छरिदै गएको अवस्थालाई मध्यनजर राख्दै विश्वभरका सम्पूर्ण स्रष्टा सर्जक तथा साहित्यिक संघसंस्थालाई सहयोग गर्ने उद्देश्यले आज हाम्रो सामुहिक प्रयासबाट यो विश्वब्यापी साझा संस्था विश्व नेपाली साहित्य महासंघ स्थापना भएको घोषणा गर्दछौ ।
      नेपाल नेपाली राष्ट्र र नेपाली साहित्यको प्रचुर समृद्धिले मात्र हाम्रो पहिचान र प्रतिष्ठा प्राप्त हुने भएकोले यो नेपाली साहित्यको महत्व सबैलाई जगजाहेरै छ । सामुहिक हितको लागि सामुहिक सक्रियता भन्ने मान्यताको आधारमा आज विश्वका १८ मुलुकबाट सहभागि ४७ नेपाली साहित्यकारहरु र ३ बटा साहित्यिक संघसंस्थाहरुको संयुक्त सहभागितामा यो महासंघ निर्माण भएको छ ।
यस महासंघका उद्देश्यहरु यस प्रकार रहेका छन्
(क) विश्वभर नेपाली साहित्यको विस्तार विकास संबद्र्धन प्रोत्साहन र हौसलाको लागि आवश्यक कामहरु गर्ने ।
(ख) साहित्यिक ब्यक्तित्व तथा समस्त स्रष्टा-सर्जकहरु बीच आपसमा चिनजान मित्रता भातृत्व सहिष्णुता सद्भाव र सहयोगको अभिबृद्धि गर्दै सम्पर्क सेतुको काम गर्ने ।
(ग) देशविदेशमा रहेका विभिन्न नेपाली साहित्यिक संघ संस्थाहरु सँग समन्वय र सहकार्य गर्दै समउद्देश्य बोकेका संस्थाहरु संग सम्बद्धता कायम गर्ने ।
(घ) साहित्यिक हक अधिकारको लागि कार्यरत रहने ।
(ङ) नेपाली परिचयलाई देशविदेशमा सम्मानित र उच्च पहिचानयुक्त बनाउन आवश्यक कार्य गर्ने ।
(च) प्रवासी नेपाली साहित्यको पहिचान र सम्मानको लागि गुणस्तर साहित्यमा जोड दिदै सम्बन्धित निकायहरुमा आवाज र दबाब पुर्‍याउने ।
(छ) विश्वभरका विभिन्न मुलुकमा रहनु भएका नेपाली साहित्यकार साहित्य साहित्यिक गतिविघि र साहित्यिक संघ- संगठनको बारे जानकारी लिने अभिलेख राख्ने साहित्यिक समस्या तथा समाधानको लागि पहल/सहयोग गर्ने ।
(ज) विश्वभरका राष्ट्रिय तथा अन्तर्राष्ट्रिय भाषा साहित्यका संघ संगठन तथा साहित्यिक ब्यक्तित्वहरु संग यथासम्भव सम्पर्क र समन्वय गर्ने ।
(झ) नेपाली साहित्य (पर्वते, खस भाषा/नेपालीले बोल्ने सबै भाषा मातृभाषा - नेपाली साहित्य क्षेत्र हुन्) को श्रीबृद्धिको लागि आवश्यक विभिन्न कार्यहरु गर्ने ।
  
    यी माथिका उद्देश्यहरु हासिल गर्नको लागि ब्यापक खोज र छलफल पछि संस्थाको नाम विश्व नेपाली साहित्य महासंघ छोटकरीमा विनेसाम र अंग्रेजीमा Global Federation for Nepali Literature र छोटकरीमा GFNL राख्ने निर्णय भयो र यस महासंघलाई नेतृत्व दिन अन्तर्राष्ट्रिय केन्द्रिय तदर्थ समिति अर्थात विशेष समिति केन्द्रिय पार्षद र सल्लाहकार निम्नअनुसार निर्माण गरिएको छ ।

१. संस्थापकः भानु जयन्ति २०६७
२. अध्यक्षः डा. मधु माधुर्य, रसिया
३. बरिष्ठ उपाध्यक्षः गोविन्द गिरी प्रेरणा, अमेरिका
४. उपाध्यक्षः रमेश पौडेल, काठमाण्डौ
५. उपाध्यक्षः टंक सम्बाहाम्फे, हङकङ
६. उपाध्यक्षः वीरभद्र ढोली कार्की, सिक्किम भारत
७. उपाध्यक्षः
८. महा-सचिव: विश्वास दीप तिगेला, ब्रुनाई/वेलायत
९. सचिवः इन्द्र नारथुङे, मलेशिया
१०. उप-सचिवः
११. साहित्य संचार संयोजकः प्रदिप थापा मगर, अमेरिका
१२. संगठन सचिवः भोला शिवाकोटी पुरानोघरे, भुटान अमेरिका
१३. आर्थिक सचिवः सुरेन्द्र इङनाम, वेलायत
१४. आर्थिक सह-सचिवः शर्मिला खड्का, काठमाण्डौ
सदस्यहरुः
१५. शिब प्रकाश, बोष्टन अमेरिका
१६. सुरेसजंग शाह, वेलायत
१७. हरी शिवाकोटी, क्यानडा
१८. जीवन देवान गाउँले, मलेशिया
१९. गणेश खड्का प्रतिक्षा, सेसेल्स
२०. उमा सुवेदी, इजरायल
२१. सन्तोष न्याउपाने, बेल्जियम
२२. देवेन्द्र सुर्केली, काठमाण्डौ
२३. सावित्रा काफ्ले, अष्ट्रेलिया
२४. केदार सुनुवार संकेत, अफगानिस्तान
२५.भिम के सी कमल, पोर्चुगल
२६. वसन्तमोहन अधिकारी, युएइ
२७. जितमान राई 'सविन' पेनाङ, मलेशिया
२८. गोवद्र्धन पुजा, अमेरिका
२९. तिर्थसंगम राई, कतार
३०. गोविन्द देवकोटा, मस्को रसिया
केन्द्रिय पार्षद
३१. केजिन राई, बेल्जियम.
३२. गोविन्द गुरुङ, ब्रुनाई
३३. नीला अधिकारी, वेलायत
३४. चन्द्र घर्तिमगर, चीन
३५. बिनो लामा, मलेशिया
३६. वेद दाहाल, अमेरिका
३७. प्रकाश राई, ब्रुनाई
३८. मनु ठाडा मगर, वेलायत
३९. हस्त गौतम मृदुल, टेक्सास अमेरिका
४०. नम्रता गुरागाई, अमेरिका
४१. अमृत परियार, पोर्चुगल
४२. दिनेश बस्नेत, नेपाल
४३. मोहन परदेशी, भारत
४४. शम्भुप्रसाद रिजाल, मस्को रसिया
४५. दीपदर्शन शाही, मलेशिया
४६. गोविन्दप्रसाद गौतम, मस्को रसिया
४७. ऋषीप्रसाद लामिछाने, चितवन नेपाल
४८. नगेन्द्र इङनाम, न्यूयोर्क अमेरिका
४९. ध्रुव थापा, अमेरिका
सल्लाहकारहरु
१. प्राज्ञ वैरागी काइला, कुलपति- नेपाल प्रज्ञा प्रतिष्ठान
२. डा. गोविन्दराज भट्टराई
३. मुरारीराज शर्मा
४. कष्णप्रकाश श्रेष्ठ
५. होमनाथ सुवेदी
६. विक्रम सुब्बा
७. डा. कविताराम श्रेष्ठ
८. ज्ञानेन्द्र गदाल
महांसघमा सम्बद्ध संस्थाहरु
१. उदाउदो तारा सहित्य समाज पेनाङ मलेशिया
२. अनलाइन नेपाली साहित्य मंच ब्रुनाई÷वेलायत
३. नेपाली साहित्य प्रतिष्ठान हङकङ
विधान निर्माण संयोजकः विश्वास दीप तिगेला

प्रत्येक देश शाखा र सम्बद्धता प्राप्त संस्थाबाट कम्तिमा १ जना प्रतिनिधि केन्द्रिय पार्षदमा ल्याउने ब्यवस्था गरिएको छ । बाँकी देशहरुबाट इच्छुक साहित्यकारलाई मनोनित गरिने छ । अब बाँकी १ उपाध्यक्ष मनोनित गर्न बाँकी रहेको छ ।
     केन्द्रिय तदर्थ समिति र केन्द्रिय पार्षदलाई बिशेष सामति पनि घोषणा गरिएको छ । यहाहरुलाई अवगतै छ हाम्रो यस समितिमा विश्वभरका सामेल छौ र हुदैछौ । को कस्तो ब्यक्ति कुन स्थान र जिम्मेवारीको लागि सहि हो भन्ने बुझ्न केही समय लाग्ने भएकोले अबको २ महिना भित्र बाँकी रहेका देश र संस्थाहरुबाट प्रतिनिधिहरु ल्याइने छ र तदर्थ समिति र पार्षदलाई पुनः मिलाइने छ । योग्यता भएका र पुगेकालाई इच्छा र अवसर अनुसार स्थान दिने कोशिस गर्नेछौ ।
     यो संस्था विधान सम्मत सहमत हुने र नहुने सबैसबै हामी नेपालीहरुको साझा संस्था हो । संमग्रमा नेपाली साहित्यको श्रीबृद्धिको लागि हो । त्यसैले जुन कुराहरुले यस संस्थाको प्रगति र ब्यापकतामा असर पुग्दछ त्यस सवालमा यो संस्था जुनसुकै चुनौती मोलेर पनि त्यस्ता कार्यलाई निरुत्साहित गर्दछ । स्पष्ट राजनैतिक ब्यक्तित्व निर्माण गर्नुभएका राजनैतिक संगठनलाई नेतृत्व गर्नुभएका जस्ता आदी ब्यक्तित्वहरु रहदा यस संस्थालाई असर पुग्दछ भने सम्मानका साथ हामी ठिक सामिप्यमा रहिदिन आग्रह गर्दछौ ।
     यस महासंघको कार्यक्षेत्र विस्तार र विकासमा अन्य संघसंस्थाहरुको तुलनामा विशिष्टिता भएकोले केही नयाँ अभ्यास र ब्यवस्था हुन स्वभाविक हो । विशेषत टाढा टाढा रहेर कार्य गर्न अप्ठ्यारो पर्ने भएकोले कार्य क्षमतालाई प्रभावकारी बनाउन सटिक सन्तुलित पारदर्शि बनाउने प्रतिबद्धता गर्दछौ ।
       महासंघ निर्माण गर्न साहित्यिक संघसंस्था र साहित्यकारहरुबाट आएको उत्साह र सकि्रयताले छोटो समयमै स्थापना भएको घोषणा गर्न पाउदा हामीलाई गौरव लागेको छ । यो साहित्यको बिषम आवश्यकता र सामुहिक भावनाले सम्भव भएको हो । स्थापना गर्नु भन्दा यसलाई संचालन र निरन्तरता दिन निश्चय नै गाह्रो कुरा हो । सामुहिक कामको लागि सामुहिक सकि्रयतामा स्थापित यस महासंघमा सम्पूर्ण साहित्यिक संघसंस्था र उज्वल साहित्यिक भविश्य भएका स्रष्टाहरुको सहभागिता हुनेमा विश्वस्त छौ । अहिले संस्थाको विधान निर्माण संस्थाको लोगो निर्माण र संस्थाको वेभपेज निर्माण सम्बन्धमा ब्यापक छलफल चलिरहेको छ यसर्थ सबैलाई छलफलमा सहभागि भईदिन आग्रह गर्दछौ ।
       अन्तमा विश्वलाई प्रविधिले एक गाँउको रुपमा परिणत गरिदिएको छ र यस गाँउवासी हामी सबै मिलेर नेपाली साहित्य नेपाली खस भाषा साहित्य मातृभाषा साहित्यको उत्थान प्रगति र समृद्धिको लागि आपसमा हातेमालो गर्दै अघि बढौ भन्ने आब्हान गर्दै पुनः आज विश्व नेपाली साहित्य महासंघको स्थापना भएको अवसरमा सबैमा हार्दिक शुभकामना ब्यक्त गर्दछौ ।
जय नेपाली साहित्य ।

अध्यक्ष
विश्व नेपाली साहित्य महासंघ
अन्तर्राष्ट्रिय केन्द्रिय समिति अन्तर्राष्ट्रिय केन्द्रिय पार्षद
www.nepaliliterature.com
nepaliliterature@ymail.com

मितिः २९ असार २०६७ तदनुसार १३ जुलाई २०१०

No comments:

Post a Comment

तपाँइको अमुल्य सुझाव , सल्लाह र प्रतिक्रिया दिन नभुल्नुस् है । Plz drop ur Valuable Comment Here ..